القلبُ الفرحان/ اسماء طنوس

لا تْخَلِّ قلبَك حزين ______ ولا تْخَلّيه دايماً مهموم
إرمِ هَمَّك عَالمُعيـن ______ في البسمِه إبدا كل يوم
______________________________
البسمِه دوا للمهموم ______ بتبعــد عنَّـك الأحـزان
مابِتحِسّ إنَّك محروم______ وإنَّـك بالفــرح مليـان
خَلِّ الفرَح بقلبَك دوم______ بتلاقي قلبَـك طربـان
لا تِحسِب إنَّك ضعيف_____أوْ إنَّك صِرِت مهزوم
______________________________
وقلبَك لا تْخَلّيه فاضي_____ لا تْعَشِّش فِيّو الأوْهام
عَحالَـك ابْـقَ راضـي_____ عَـهَـمَّــك إوْعَك تــنـام
ولا تْفكِّر بأيّ ماضي_____ تطــلَّـع دايــمــاً لَقُــدّام
سَلِّــم للرّبّ القـاضي_____ وِانتَ مش قـادرِ تْعـوم
______________________________
فرحة القلبِ السّعـيد_____ بِتخلّي وَجـهَك مِرتــاح
كَأنّها فـرحِـة العيـد_____ بيِشرِق نورَك كَالصّبـاح
لا تِقسَ وِتْكون عنيد____ لا تِعصِـف فيـكَ الرّيـاح
وتلاقي حالَك أكيـد_____ شَــقْيــان وحـالَك بِتـلـوم
______________________________
وبِتصير بَدَّك تْداويه_____ ومين اللّي بيعرف قلبَك
وَحدَك بتعرف شو فيه_____ما حدا بيِعرف قصدَك
غنّيلُه وِاعطف عليـه _____تا حـتّى يُســلُك أمــرَك
بحنانِ ورِقَّـه إحكيـه _____ تَيعــود الفــرَح وِيْدوم

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net