مشكلتي هي امي ..

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..الرسالة هي التالية:مرحبا للجميع انا حابة اعرض عليكم مشكلتي وبتمنى تساعدوني انا بنت عمري 18 سنة . مشكلتي مع امي . هي انسانة مريضة نفسيا بتضل تعمل مشاكل مع الكل انا واخوتي وابوي والكل بس مع الناس الي من برا بتكون ملاك . دايما بتعملنا مشاكل ومنسكت ومنصبر بس الوضع بطل يسمح بدها كلشي احنا نعملو ودايما بتقاتلني عشان اشتغل برا بس والله مش لاقية شغل انا فهمتها بس هي مش راضية تفهم عنيدة وكل شغل البيت انا بعملو وبتطلع تحكي اني بعمل شاشي بالبيت دايما تصيح وتقاتل وتضرب فينا جننتنا والمشكلة انها قاعدة لا شغلة ولا مشغلة غير الصياح ووجع الراس دايما قاعدة توكل يا نايمة يا تقاتل فينا الحالة عنا صارت صعبة كتير وانا نفسي بطلت اتحمل ومش بس انا الكل صبرنا بما فيه الكفاية وابوي بدوش يطلقها عشان احنا نتشردش لانو ابوي بيشتغل ومش فاضي فمحتاج انو حدا يضل عنا بالبيت مع انو هي وقلتها واحد بهالبيت واسا بتمنى انتو تنصحوني شو اعمل كلام وحكينا معها منفعش ابوي حكى مع اخوتها عالفاضي قتلتنا حتى نذافة ما بتنضف حالها مت كتر الاكل بتعرق وما بتتحمم الا تتيجي تطلع عند صاحباتها ملينا هالعيشة شو نعمل ساعدوني بترجاكم ..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il