محتارة: انا وخطيبي نلتقي ونتحدث لكني اغار من المخطوبات الاخريات!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.  

مرحبا انا فتاه عمري 19 سنه صرلي مخطوبه 4 اشهر من ابن خالتي خلال هالفتره هاي ما حسيت كتير متل اي 2 خاطبين ..حتى اني مرات كنت انسى اني مخطوبه بظروف كان خطيبي فارضها على علاقتنا والي هي انو ما بيجي عندي الا عل مناسبات او ازا صحلو بالصدفه يجي مع حدا تاني شغله انو كل يوم منحكي بس ساعه ع التلفون مش اكتر من هيك نفسي احس حالي اني جد مخطوبه متلي متل اي بنت تانيه بهاي الدنيا ..اشكيلو اقولو ؟ خايفه خجلانه مشاعري مخربطه مرات بحس حالي ندمانه اني قبلت فيو مرات تانيه بكون سعيده بس فتره هالسعاده بحسها مؤقته وبعدين بتروح والله مش عارفه شو اعمل مع العلم انو خالتي كتير منيحه وهو منيح بس سؤال هل من حقي اني اتمتع بفتره الخطبه بهيك شغلات ولا مش كلشي الروحات والجيات والحكي ع التلفون محتاااره كتير نفسي ابكي من كتر ما انا محتاره بطلب من الزوار الكرام الي عندو حل الي يكتبلي ياه وشكرا 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il