فتاة حزينة: شكلي لا يلائم جيلي

وصلت الى موقع العرب، هذه الرسالة من فتاة تطلب نصيحة زوار موقع العرب من خلال طرح مشكلتها.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

انا بنت عمري 16 سنه ومشكلتي انه شكلي بيدل على اني اكبر من جيلي من العلم انه كتير بيحكولي انه انا حلوه بس مع كل هاد كل حدا بشوفني بفكر عمري 20 او 21 سنه وهاد الشي سببلي كتير مشاكل وبالاضافة انه المشكلة مش من اللبس او الجسم او اي شي تاني بالعكس انا بلبس اخر صرعات الموضة وكلو موديلات جديده ورشيقة بس المشكلة من شكلي لانه كتير بيشوفوني وبيفكروني انه بسنه اخيرة جامعة واكتر شي بيسببلي احراج لما اطلع شي مشوار مع ابوي وهناك يكونو معارف ل ابوي ويصيرو يسالو فيه ( هاد مرتك ؟ ) او متلا يحكولي ( شو اخبارك مدام؟) عنجد موقف كتير محرج ما بعرف اذا رح تفهمو عليي بس ما بيحس بالوجع الا صاحبو وبالاضافة انه هاد الشي بياثر عليي متلا انا لما يصير عمري 18 سنه رح يبين شكلي انه عمري تقريبايمكن شي 24 سنه وهاد بيخلي العالم ما تتقدملي وبيخلي قطار الزواج يفوتني ..انا اسا بترجاكم ساعدوني شو اعمل ؟ كيف بدي ابين على حالي انه شكلي ملائم لجيلي ؟