امي تعاملني كبنات الشارع وانا احبها

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. الرسالة هي التالية:مرحبا يا احلى موقع بالدنيا احلى سلام لكل المعقبين حبيت اعرض  عليكو مشكلتي ومحتاجه مساعده انا بنت من الشمال عمري 17 سنه بتعلم والحمد لله بس مشكلتي امي بحسها ما بتحبني دايما بتحكيلي كلام جارح وقاسي زي كاني بنت من الشارع يعني حكي ما بنحكى لبنت زيي مع اني والله بحبها وما بحياتي بحاول ازعلها وانا بنت كتير مربيه ومش ناقصني جمال واخلاق بس امي  ما بتقدر تمسك حالها  واي شغله صغيره بعملها بترميلي كلمه بتمزعلي قلبي والله كل يوم بنجرح الف مره من كل قلبي  وامي ولا سالي وحياتي كلها جحيم فش حدا بفهمني فش عندي حبيب يحبني ولا بلاقي حبة حنان من حدا حتى ابوي ما بهتم فيا ولا كاني بنتو انا شو ذمبي اني بنت وكلشي بحملوني جميلي والله تعبت بحياتي صار عندي اكتئاب كل النهار بضل بدار لحالي وعايشه حياتي بوحده كبيره وانتو عارفين شو يعني الانسان يكون وحيد وما حدا يحبو ساعدوني شو اعمل والله زهقت من حياتي وشكرا الكو كتير

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il