أهدتني وردة فأثارت بداخلي الشكوك: هل هذا تعبير لإعجابها بي أم أنها وقحة؟

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا شاب في العشرينات من عمري بشتغل ومبسوط بحياتي. من فترة تعرفت على صبية اصغر مني بأربع سنين مبين عليها من عالم وناس وانا كتيير صرت معجب فيها مع الوقت بس ولا مرة صارخحتها بهاد الاشي.

صورة توضيحية

انا محتار في أمري بسبب تصرف عملته البنت معي هي انو مرة كنا قاعدين وعم نحكي قامت راحت ورجعت قطفتلي من الشجرة اللي حدنا كانت وردة واعطتني اياها بدون ما تحكي اشي. انا ضليت على صفنتي ما عملت شي وما حكيت ايا شي على الاطلاق. من وقتها صار عندي صراع وتناقضات بحياتي من ناحية انا معجب فيها وكيفت لانها هي كمان ممكن تكون معجبة فيي وهاي اشارة عشان اصارحها ونبدا بعلاقة جدية، بس من ناحية تانية خايف انو هذا التصرف يكون وقح ويدل على قلة أدب عشان مجتمعنا الشرقي هيك علمني... انا متخبط ويا ريت اسمحع رايكم وشكرا موقع العرب.

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il