لم يقتنع بانني لم اخونه مع احد ...!

وصلت الى موقع العرب رسالة من صبية تطلب ارشاد ونصيحة زوار موقع العرب الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

السلام عليكم .. بدي احكي قصتي بالعميه.. انا بنت عمري 24 سنه الحمد للاه مش نقصني اشي ..اجا ابن الحلال يطلبني وشب كتير منيح اي بنت بتتمناه صلنا سنه ونص مع بعض المشكله اللي عندو انو حالتو الماديه صعبه كتير ما بغدر يعمر دار لنسكن فيها يوم بقلي نتجوز ونسكن بالاجار اهلي واهلو ما قبلو ويوم بقلي نسكر غرفه عند اهلو وبرضو اهالينا ما وافقو لو على اهلي انا بقنعهم بس المشكلي اهلو يعني امو مع انها كتير منيحه قدامو بتقلي موافقه ومن وراه بتقلي مش موافقه انكو تسكنو بالاجار او بغرفه.ما بتحب تزعلو..المشكله لكبيره اني انا يأست من هالمشاكل وهو عمبموت ميت موتي باليوم عشين نتجوز بس مش طالع بايدو اجيت انا زهقت وقلتلو بدي اتركك بس قلي اعطيني سبب قلتلو انا خنتك وحكيت مع غيرك هوه نجن .مع اني اقسم بالله العظيم اني محكيتش مع غيرو..بس سمع هيك قديش كان يحبني هلاء كرهني ..انا كثير ندمت اني قلتلو هيك صار بدو يتركني..هلاء انا كثير ندمانه مش غادره ابعد عنو حلفتلو ميت يمين وعالقرئان انو مخنتوش واني قلتلو هيك بس عشين نترك وميضلش يتعزب معي.هوه مش راضي يصدقني شو اعمل .من شان الله قلولي احنا كثير منحب بعض بس صار هلاء يكرهني وقال لاهلو اني خنتو وبدهم نترك انا بغدرش اعيش بدونو من شان الله ساعدوني شو اعمل..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على: alarab@alarab.co.il