لا تعليق/ بقلم:محمود علي الصالح عبر العرب
بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! الشرطة بخدمة الشعب ، هاي جملة إعتيادية أصلاً يا عمي الشرطة منا وفينا وحاطين إيديهن بإيديي - ميِّل يا ضابط و إشرب فنجان قهوة - لا عمار ، عندي واجبات و دورية ... ***** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! بلدنا بلد هادي و خالي من الطائفية و فش عنا طوش و معارك و لا عنا عنصرية ماشيين على "كل مين على دينه الله بعينه" و الحالة زي الوردة الجورية *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! أمّا احنا و الدول المجاورة فعلاقاتنا كتيير ودية متفقين و ما أحلانا ، و عايشين عيشة هنية لا حروبات و لا نقاشات و لا فش بناتنا قضية ! *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! و الأحلى من كل اشي انو احنا شعب مبسوط و سعيد لا عنا مشاكل على الهوية ، ولا حتى ملفات لقضية قومية عايشين بوحدة وطنية إسلام ، دروز ، و مسيحية *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! ما في عنا غلاء بالمرة و الناس عايشة بحالة مطلقة من الاشتراكية ماخدين كل الحقوق ، الأساسية و الغير أساسية ... *** بللا ما أكملك يا صديقي انت عارف انها حالة خيالية بدك تفهم الواقع و تشوفو صح ؟ إفهم اللي انكتب ... بس بطريقة عكسية !
بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! الشرطة بخدمة الشعب ، هاي جملة إعتيادية أصلاً يا عمي الشرطة منا وفينا وحاطين إيديهن بإيديي - ميِّل يا ضابط و إشرب فنجان قهوة - لا عمار ، عندي واجبات و دورية ... ***** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! بلدنا بلد هادي و خالي من الطائفية و فش عنا طوش و معارك و لا عنا عنصرية ماشيين على "كل مين على دينه الله بعينه" و الحالة زي الوردة الجورية *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! أمّا احنا و الدول المجاورة فعلاقاتنا كتيير ودية متفقين و ما أحلانا ، و عايشين عيشة هنية لا حروبات و لا نقاشات و لا فش بناتنا قضية ! *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! و الأحلى من كل اشي انو احنا شعب مبسوط و سعيد لا عنا مشاكل على الهوية ، ولا حتى ملفات لقضية قومية عايشين بوحدة وطنية إسلام ، دروز ، و مسيحية *** بالبلد في عنا ازدهار بالحالة الاقتصادية أصلاً بلدنا بلد سلام و أمان و فش مشاكل أمنية ! ما في عنا غلاء بالمرة و الناس عايشة بحالة مطلقة من الاشتراكية ماخدين كل الحقوق ، الأساسية و الغير أساسية ... *** بللا ما أكملك يا صديقي انت عارف انها حالة خيالية بدك تفهم الواقع و تشوفو صح ؟ إفهم اللي انكتب ... بس بطريقة عكسية !
يافة الناصرة
موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجي إرفاق النص في ملف وورد مع اسم الكاتب والبلدة وعنوان الموضوع علي العنوان: alarab@alarab.net
