قصتنا مش أكيده- منيــر خليليــه
قصتنا مش أكيده
قصتنا مش أكيده
منيــر خليليــه
يعني أنا اللي كتبت معاني قلبي بِأيدي
وانتي جيتي قلتي لروحي هاتي لالي وزيدي
ليه أنانيه انتي ووحيده
عشان انا مهديكي عمري
عم تِستغلي طيبة قلبي وحُزني عَحبيبي
ردينــه
بِأيدي رسمت قلبك قصيده
ومن روحي لروحك أرسلت تنهيدي
مش انانية وبوجودك معي مش وحيده
عمرك دمي وبيجري بوريدي
طيبة قلبك دليلي ..ولو حبيتك مش بأيدي
منيــر خليليــه
دخيلك ما تغري روحي
مش ناقصني أنا . . عايف جروحي
يا ويلي آه يا خوفي
من الدلع وكلماتك الملهوفه
تعالي يلا بعيونك شوفي
كلماتك كيف بتشربك حروفي
ردينــه
رح داوي جروحك بجروحي
وعنك ما رح اتخلا أنا
منك يا ويلي ومن بُعدَك يا خوفي
دلعي..وكلماتي هدية الك بحروفي
بعيوني خبيتك
وقصتنا صارت مكشوفة
منيــر خليليــه
ما حابب أدخُل بقصه جديده
لانه الحُب بهالايام ما فيو نتيجه
اللي جرب قرب ليقرأ هالجريده
ما بحث غير عن فشل الحُب والخيانه الغريبه
جرب يهَدّي نفسه . . إتضح عنده أخف مُصيبه
ردينــة
حَبَيتك أنا ولو قِصتنا مش أكيدة
الحُب ما ِإله أيام ولا هو ضريبة
لقلبي يلا قرِب وحُبي جرِب
متلك أنا قبل حُبَك كُنت وحيدة
إنغدرت بالحُب الفاشل وقصة قديمة
واليوم حبيتك ووهبتك حياتي الجديدة
عمري كلو الك ولو كنت عن حُبك بعيدة
منيــر خليليــه
حِبي من طرف واحد دخيلك
صار شَعري أبيض وصُرت طالب منديلك
من الشيب اللي عيب يطلع بجيلي وبجيلك
ما بدي أحب ولا أنحب
مليت من هالزمن ومن كلمة أنا حبيبك
بكلامي هيك بنهي وبَعدِم مواعيدك
ردينــة
لو حُبي من طَرَف واحد عنو ما بحكيلك
وقالوا زمان جدودي وجدودك
" الشيبه هيبه "
حتى بجيلي وجيلك
مابدك تحِب.. خَيارك وبِأيدَك
لكنك رح تِنحَب مني او من صاحبة نصيبك
الزمن صعب . . أنا معك وبَشِد على إيدك
لكن كلمات الحُب بِتنحَب وبالذات من حَبيبك
وبكلامي هيك كمان بَنهي وبفارق طريقك
وحُبي وقلبي رح اتركهن امانة بِأيدك
. . . . قصتنا مش أكيده . . . .
