فتاة: العالم كله يقف ضدي لأن خطيبي يضع قرطا في أذنه وشعره طويل ولكنني أحبه!

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا زوار موقع العرب كيف الحال... بداية كل عام والجميع بألف خير عيد أضحى مبارك ينعاد على الجميع بصحة وسلامة وخصوصي موقع العرب الاول في البلاد. انا صبية عمري 22 سنة من مدينة في الشمال قبل حوالي اكمن شهر تعرفت على شب بالجامعة وصرنا نتبادل الاحادث والحكي وبلا طول سيرة الشب عبرلي عن اعجابو فيي وانا كمان كنت استنغشه واستهضمه مع انو فيو شغلات انا مش حاببتها.

صورة توضيحية

الموضوع انو تقدم لخطبتي وانا وافقت وطبعا علاقتنا صارت رسمية بس المشكلة اني من لما خطبته ما شفت يوم حلو بحياتي من كلام الناس وكله ضد خطيبي لانه مربي شعره وحاطط حلقة بدانه. من ناحية انا بتفهم شعور مجتمعنا العربي الشرقي المحافظ بس كمان من ناحية تانية هو حر بحياته وانا بحترمه لرجولته وشهامته بحبه للغير ومساعدة الناس. يعني بالآخر الشعر الطويل والحلقة مش نهاية الدنيا لانهن ما بإزو اي حدا وهدا شي شخصي وبالنسبة الي يربي شعره وما يقتل وما يكون صايع احسن بكتير من انو منظره الخارجي يرضي الناس وما يرضي رب العالمين. بس حكي الناس وكمان اهلي مضايقني كتير خصوصي انو اهلي وافقه على الخطبة بس لليوم مش راضين عنها. بتمنى لاقي الحل عندكو وشكرا.

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il