غسان شولي يدندن على المنبر: سألتها

سألتها عن حسنها مشنشلة بالحلا ؟! ولا الحلا فيك ِ يتشنشل ؟.. مزَريَفَه؟ مهفهفة؟ ولا العيون تعبانة لجج؟ ويا ترى هو سراب وبصورتك يتمثل ؟.. جاوبيني لخاطر الله ترى أحس بخافقي بدقاته خف وكرج.. والروح ولهانة ما تحتمل درب العوج .. والجسد زاد فيه العنا وخوفي ليصيبه عارض فلج .. وما عاد لحظة صبر اخرى يقدر يتحمل .. ومن العقل ضاع الوعي والجنون منه دنا وصوبه يتسلل.. جاوبيني .. انت اميرة القصص تدلل ؟.. انتِ الشعر فيك ينكتب وزين الكلام يتخلل؟.. انتِ اللي ابغيكِ وتبغيني ولا هو حلم ولزوم يتعدل .. اذا هو الحلم خله يدغدغ شراييني .. ومنه لا تصحيني .. وخلي العيون بالحلا تحملق وتتأمل .. وان كان علم لا اهرب منه ولا اتنصل .. شاوري لي خبريني كلميني .. تراني ما أمشي بطريق اذا ما كان من فوق سابع سما من عند رب العلا مسموح بيه ومحلل..