عَجايِب!!/ بقلم: سيمون عيلوطي

مالَك يَ شِعري تِفضَح سِرِّي في الهوى وِتلَبِّك أمري عُمْر الصِّبا كم موسَم زَهْر بُكرَه بِذبَل عَ الخُدود الحُمْر وْفِ السَّما يِحزَن بَدري!! *** قضَّيت عُمري كُلْشي بِدُّي بِدُّي أستولي عَ الكَنِز وَحدي وْنِفسي أحوِّط ع الجَّناين وِالمُروج عَ الحَلا وْكُلِّ السُّروج، .. ليكي أهديهِن ... تـا وَفِّي وعدي!! *** بالليل أركَب عا ظْهور الوَز أركُض لـَ بْلاد دود القز حَرير أجِبلِك يِبرِق هِندي ما شاف مثلو حَد من بَعدي شو لابق لَجِسمِك الوَردي، ... بين إيديكي أحُط عَجايِب عَصري!!  

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com