عبلين لوحة عَ جبين الجليل

عبلّين المجد عُنواني وحياتي

وبعد الربّ بارْفَعلا صلاتي

عَ جْبينا تجلّى عطرُ المحبّة

وغمر بالفرح أشعاري وسِماتي

وكتب عَ مفرَق عمري حكايا

بهمس  ونَغَم  بُخْرُق  للحنايا

بيفوت عَالقلب بدقاتو الجميلة

وبإيدو حَبَق وأزهار وهدايا

 لا تستغربوا  أوصافي وكلامي 

وقصيدة حُبّ بتحكي عن غَرامي

 فيها الكُلّ اخوان وأحبّة

وسلام يثور في صحوي ومنامي

عبلّين الربّ بجناحو حَماكِ

ورفع قيمتك وعلّى سَماكِ

وغرس بتربتك  بذور السّعادة

وبنور وعزّ جمّلكِ ورواكِ