عاهدت حبيبي ولكنه غير جاهز للزواج بعد 3 سنوات من الحب! وأهلي يضغطون علي

- ابرز ما جاء الرسالة:

* المشكله انو مش جاهز يعني كجيزه وبيت  بسبب وضعهن المادي

* 3 سنين وانا استناااااااه وصابره ومتحمله بس لوينتا راح يتغير الوضع

* انا ما برضيني اعمل علاقات بالسر الا من علم اهلينا لانو الاصول واجب علينا ما نخبي الحقيقه

* انا عاهدت ما اخون الوعد الا بينا وانو اكون وفيه ومخلصه بحقو بس مش عحساب سعادتي وتعطيل مستقبلي 

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي: 
حبيت اعرض مشكلتي عليكم وبتمنى تساعدوني وانا على آمل وثقه كبيره فيكم وبردودكم وارجوكم تقبلو الموضوع بكامل الجديه وارجو عدم الاستهزاء لانو نصائحكم البعض بتقرر مصير حياتي ومستقبلي ... انا صبيه في العشرينات من عمري كاي فتاه بتمر بتجربه حب انا مريت بهالتجربه وكنت صادقه ومخلصه لدرجه كبيره ضحيت وفيت بس واجهت كثير صعوبات وما قدرت اتغلب عليهن حبيت انسان وكان اول حب بحياتي تعلقت فيه لدرجه كبيره كانت علاقتنا ضمن الحدود وكنت مرتاحه لهالعلاقه لانو اهلي واهلو على علم بعلاقتنا وانا ما برضيني اعمل علاقات بالسر الا من علم اهلينا لانو الاصول واجب علينا ما نخبي الحقيقه اهلو حابين اكون شريكه حياتو ودائما في تشجيع من ناحيتهن وهو انسان محترم وابن ناس وهالشي شجعني اكثر ارتبط بيه بس المشكله انو مش جاهز يعني كجيزه وبيت و بسبب وضعهن المادي انا بقدر وضعهن بس من حقي يكون الي حقوق بس بطلب انو اكون كغيري مرتبطه وبالحلال انا دايما بعطيه الامل والتفائل بالحياه بس هو دائما يئسان ونفسيتو تعبانه...

صورة توضيحية
تعبني معو طيب شو ذنبي انا ما قدرت اتحمل هيك وضع لانو كثير عم بتقدمولي وانا عم برفض كرمالو وخواتي بحكولي لايمتا راح تبقي تستنيه ؟؟!! لا عمار ولا شغل ولا مسؤوليه واي بنت بترضى انو تستنى واحد وبدون نتيجه مبشره هالكلام الا بسمعو بخليني افكر ابعد عنو وانساه بس في شيئ جوات قلبي بمنعني !! لانو انا عاهدت ما اخون الوعد الا بينا وانو اكون وفيه ومخلصه بحقو بس مش عحساب سعادتي وتعطيل مستقبلي .. ما بدي اجرحو واظلمو وانظلم بحياتي لانو انا مريت بكثير صعوبات واجهتني بحياتي وهي فقدان ابي وكثير اشخاص حبيتهن وكانو عززين عقلبي وبعنولي ... مش عارفه كيف اتصرف واخد القرار مرات بندم وبلوم نفسي عاليوم الا تعرفت فيه عليه وتعلقنا ببعض والاشي الا بياسني وبحطمني بمجرد سمعت منو كلمه انا ما بحب اقف بطريق سعادتك وهالكلمه بتاخد افكاري لبعيد!!
 
3 سنين وانا استناه
بحس من كلامو انا بحكيلي اذا تقدملك حد اقبلي!! كانو بس بدو يشوفني مرتاحه وسعيده بحياتي انا متاكده من حبو الي ولو ما بحبني ما بخبر اهلو وكل عيلته بتعرف انو نحنا لبعض وكثير وقف جنبي بمحنتي وضحى كرمالي بس بسبب الظروف فترات منبعد وفترات منقرب من بعض بلشت افقد طعم الحب اتجاهو بلشت ابعد لانو تعبت من هيك وضع انا انسانه وبحس وبشعر .. انا محتاره كثير ومش عارفه اخذ القرار ما تحكولي ما بحبك انا متاكده من حبو الي وذكرت الاسباب بس وضعو المادي ما بيسمح يتقدملي انا مستعده اعيش معو وين ما كان المهم بالحلال وعسنه الله وروسوله بس اهلي رافضيييييين وبحكولي بدو يتقدملك عالقليله لازم يكون عندو بيت وجاهز والمشكله لكبيره عم بقنعوني انهي هيك علاقه لانو باين ما في نتيجه 3 سنين وانا استناااااااه وصابره ومتحمله بس لوينتا راح يتغير الوضع لوينتا ما دام كل فتره بتمر اصعب من الا قبلها ارجوكم ساعدوني وبدي حلول منطقيه والف شكر وسلامات الكم ولموقعي المفضل كل العرب ادمتم ذخرا وعطاء ومحبه للعرب اجمعين ... الى اللقاء ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il