شاب من الشمال: خطيبتي تقارنني بخطيبها السابق بالرغم من تلبيتي لكل رغباتها

 أبرز ما جاء في الرسالة: صرلنا 5 اشهر مخطوبين وانا بالمرة مش منقص عليها

شو ما بتتمنى بجبيلها حتى قبل ما تطلب مني وما بعجبها

خايف تكون بعدها بتحب خطيبها الاول عشان هيك بتضل تقارن بيننا وعشان هيك بتحس انو هو احسن مني واكرم مني

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
أنا شاب من الشمال عمري 29 سنة، قبل 7 اشهر تعرفت على صبية وكنت كانت مخطوبة لشاب من بلدي وبعد فترة تركو. وانا وياها تعرفنا على بعض فترة شهرين وبعدين تقدمتلها بشمل رسمي وخطبنا.

صورة توضيحية

صرلنا 5 اشهر مخطوبين وانا بالمرة مش منقص عليها وشو ما بتتمنى بجبيلها حتى قبل ما تطلب مني وما بعجبها ودايما بتبينلي اني مقصر فيها. وانو الشب الي كان خاطبها قبلي احسن مني. انا مقصر بحقها وهو ما حارمها من اشي. مع اني والله حاطيتها بعيوني وشو بتتمنى كل بنت واكتر بجبلها، خايف تكون بعدها بتحب خطيبها الاول عشان هيك بتضل تقارن بيننا وعشان هيك بتحس انو هو احسن مني واكرم مني. ش عارف ايش اعمل عشان اخليها ترضى وتحبني متل ما بحبها. من غير ما تقارني بخطيبها الاول لاني عنجد بحبها وما بقدر اعيش بلاها.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net