شاب 27: ابي يعاملني كطفل وأفكر أن اتمرد عليه حتى يشعر بي
اعمامي واخوالي بلشو ينتقصو من شخصيتي قدام كل الناس
اعمامي واخوالي بلشو ينتقصو من شخصيتي قدام كل الناس
بحب ابدي رايي لكن اواجه بالرفض والاجبار على السكوت وهذا الشيء ربما يسببلي مشكله اجتماعيه
انا بحب والدي وبحترمو لدرجه ما حد بيتصورها ومستعد اعمل كل اللي بيرضيه لكن هو مش قادر يرضيني ليش ما بعرف
انا شاب عمري 27عام متخرج من كليه الصحافه اعيش حالة ميسوره لا باس فيها لكن مشكلتي الكبرى تكمن في والدي اللي ما زال يعاملني على اني طفل صغير او بمعنى تاني ماسح شخصيتي عالاخر ولا بياخد رايي باي شيئ على الاطلاق ودايما لما احكي بيقوللي اسكت انت ما تدخل نفسك بشي ما بيعنيك وبالرغم من ان اصحابي وزملائي بيكونو مع ابائهم متل الاخوة وانا بحلم اصير زيهم وابوي يعاملني متلهم او متل ما بيتعاملو بالبيت مع بعض.
ابو صاحبي بياخد رايو بكل حاجه وكأنو مستشارو او ذراعو اليمين وكتير من اصحابي هيك . وانا حاولت وبشتى الوسائل اني اكون كصديق لابوي بس بدون فائده تذكر ولا بيعبرني .
وانتو بتعرفو المحيط الاجتماعي العائلي ومشاكلو، فلا بد انو تصير مشكله من هنا او من هناك ولو صغيره وبحب ابدي رايي فيها لكن اواجه بالرفض والاجبار على السكوت وهذا الشيء ربما يسببلي مشكله اجتماعيه متقدمه وانا على وشك زواج وبخاف يصير موقف امام الطرف الاخر وتكون بالنسبه الي ساعه النهايه.
ابوي من النوع العصبي الزياده ولما كنت طفل كان يعاملني كطفل وكبرت وبدات اكبر وما زال يعاملني بنفس الطريقه وحاولت كتير انو يتغير معي وشكيت لوالدتي وكنت اشكي على طول من هادي المشكلة وهي كانت تحكي معو على طول عسى انو يغير معاملتو معي بس من دون نتيجه ، حتى اعمامي واخوالي بلشو ينتقصو من شخصيتى قدام كل الناس وانا بصراحه بواجه اكبر مشكله بحياتي لانها ممكن تدمر مستقبلي وتكسر شهامتي كشاب ببدايه عمره.
انا بحب والدي وبحترمو لدرجه ما حد بيتصورها ومستعد اعمل كل اللي بيرضيه لكن هو مش قادر يرضيني ليش ما بعرف ؟
جلست وحكيت مع اصحابى لعلي احصل منهم على نتيجه لكن كلهم كانو ينصحوني اني ابقى زي ما انا واعمل كل اللي ابي بيريدو علشان ما اغضبو او يزعل مني . ومنهم اللي قاللي اعمل تمرد كبير على ابوك خليه يحس فيك ويعرف انك صرت مسؤول عن نفسك وعلى قدر المسؤوليه فهاي الفكره اعجبتني جدا وفكرت فيها كتير وقلت بنفسي خليني استشير ناس كتير ممكن يوافقوني الرأى فيها او ينصحوني بشي افضل واتمني ما تخيبوني وتشيرو عليا شو اعمل . الله يوفقكم جميعا ويبارك لكم في ابائكم وامهاتكم .
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net
