سيدة: صديقتي خدعتني وزوجي رجل عنيف وشرير ساعدوني ماذا افعل؟

أبرز ما جاء في الرسالة:

اخر مرة اتصلتي حكتلي شو اخبارك كيف جوزك بحكيلها انو منيح الحمد لله! بتحكيلي كيف يعني منيح انت مرتاحة بالجيزة بحكيلها اه عصبت علي وصارت تحكيلي مهو عصبي ومزاجي وعنيف..

 وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

أنا امرأة متزوجة لي 6 شهور، لي صديقة كانت عزيزة علي جدًا صديقة منذ الطفولة النا منعرف بعض اكثر من 15 سنة، المهم هاي صديقتي متزوجة الها سنتين ونصف من شخص احبته فكل ما اتصل فيها واسالها كيفك؟ وكيف جوزك؟ ومبسوطة؟ تجاوبني انها هي كثير منيحة ومبسوطة ومشتاقة لي كثيرا وزوجها كثير منيح وحنون ولطيف..

بعد فترة بتتصل صديقتي وبتحكيلي انو في عريس الك كثير منيح شب اديب بخاف ربنا هادي حنون وكل المواصفات المنيحة موجوده فيو هو بكون صديق جوزها واقنعتني فيو وبشخصيتو خطبت لفترة شهرين وكانت فترة حلوه كثير، تزوجنا والنا 6 شهور متزوجين لكن بعد الجيزة الشب زوجي يعني بلش يتغير مش كيف حكتلي شخص عنيف جدا وعصبي لا يملك أي صفة منيحة من الي حكتلي عنهن انا ما حكيتلها وقلت كنوبس هاي الفترة من ضغط الحياة والشغل، وكانت تتصل وتطمن ونحكي على التليفون، اخر مرة اتصلتي حكتلي شو اخبارك كيف جوزك بحكيلها انو منيح الحمد لله! بتحكيلي كيف يعني منيح انت مرتاحة بالجيزة بحكيلها اه عصبت علي وصارت تحكيلي مهو عصبي ومزاجي وعنيف، تفاجئت كثير وحكيتلها مدامك بتعرفي انو هو شخص مش منيح ومش مناسب ليش هيك عملتي فيه ليش خربتيلي حياتي، فصارت تبكي وبتحكيلي لانو جوزي نفس الشي عصبي وعنيف وبضربني فبديش تعيشي انت عيشة احسن مني ويكون شريك حياتك منيح وانا لا !!
فاجئتني ولم اجاوب اغلقت الخط واجهشت بالبكاء لم افهم حتى اليوم لماذا فعلت هكذا هذه ليست صداقة ولا تعتبر صديقة الرجاء مساعدتي ماذا افعل انا حائرة جدا لا اريد زوجي ولا اريد صديقتي، ماذا اقول لاهلي!!؟؟

 
صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net