سيدة: زوجي فقير جدا وبدأت أغار من شقيقتي لأن زوجها يلبي لها كل طلباتها

أبرز ما جاء في الرسالة:

متمنية زوجي يجبلي هدية أو حتى وردة نفسي يعملي مفاجأة حلوة بس وضعنا المادي تعبان كتير

وصلت الى موقع العرب رسالة من سيدة تطلب إرشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا أنا ست متزوجة من 7 سنين، عمري 32 سنة، زوجي وضعه المادي كتير تعبان وحالتنا من سيء الى أسوأ، كتير تعبت، وبحس حالي أقل من باقي النوسوان، لا بروح مشاواير ولا بطلع مظاعم ولا بشتري أواعي، ولا بروح صالونات. بحس انه مليش حظ بزواجي، مع اني وقفت قدام أهلي وتحديت الكل عشان أتزوج زوجي. 

صرت أحس اني مش عايشة وبلشت أغار من أختي الي ما في اشي بنفسها الا زوجها بحققلها اياه، حتى من غير ما تطلب. متمنية زوجي يجبلي هدية أو حتى وردة، نفسي يعملي مفاجأة حلوة، بس وضعنا المادي تعبان كتير، وأنا بطلت أتحمل الوضع ومش عارفي شو أعمل.