زوجي الزاني هجرني لأحضان الساقطات وبنات الحرام حولن حياتي الى الجحيم

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
تحية عطرة ابعثها الى احلى موقع (كل العرب)
انا امراة في ال 29 من العمر متزوجة من تسع سنوات , الحمدلله على قدر كافي من الجمال و.. لا اريد ان امدح بنفسي لا ينقصني شيء يتمناه الزوج من زوجته لكن عندي مشكله في زوجي , في بداية زواجنا كاني يعاملني معامله احسد عليها الكل كان يقلي نيالك شو بحبك زوجك ونيالك كيف بيعاملك بس هالمعامله ما دامت . صار جوزي يتغير معي مع اني ما نقصت عنو شي وما عاملتة غير احسن معاملة بتصدقو كنت ما اكل الا لما يرجع من شغلو وكان يرجع متاخر دايما كنت اتصل في اتطمن علي وهو بالشغل يعني ما كنت انشغل عنو بشيء بس بنات الحرام الله لا يسامحن خربو بيتي وخربو علاقتنا الحلوة السعادة ما دامت وصرت اراقب تلفوناتو وعرفت واكتشفت انو يقيم علاقات غير شرعية (زنا) مع نساء متزوجات, كتير انصدمت واسودت الدنيا بوجهي ومرضت بس هذا كلو طبعا بعلم اهلو .

صورة توضيحية

اهلو وقفو معي موقف كتير مليح وما بنسالن يا طول حياتي اهلو من عيلة معروفة عنا بالبلد وسمعتهن مليحة , انا قلت ما بدي خرب بيتي امام اول عرقلة ومشكلة بحياتي الزوجية ورح دمر كل وحدة بتحاول تاذيني صرت اتخلص من وحدة يطلعلي بوحدة ثانية كان يتركني كل النهار ويطلع معهن على فنادق واماكن كهذه اكتشفتها من كاشف المكالمات الصادرة وطبعا هو ينكر اكتشفت انو خائن كبير مع اني حلوة وكل شب بتمناني وهو اسا صار يبين علي انو قد ابي لانو اكبر مني ب11 سنة . انا بوقتها قلت ما بدي ازتزوج واحد صغير ومراهق بدي واحد واعي فاهم الدنيا رصين ,حاولت معو بكل الاساليب ما تغير ودايما ينكر هالعلاقات المشبوهة وزاد الطين بله انه الو فترة اشهر تقريبا هاجرني ومحتارة شو اعمل معا قلتلو انو يتوجه لطبيب نفس بس هو ما قبل وهالمسلسل مستمر انا صرت حس اني عندو فقط مجرد خادمة. والانكى من هيك انو هاللي بعرفهن وبيقيم معهن علاقات سمعتهن استغفرالله .. وفي وحدة منهن الو سنين بعرفها وهي اكبر منو وشكلها مقرف , سالتو مرة ليش الزلمي بعمل علاقات غير شرعية بعد الزواج جاوبني انو هالشي بكون بدمو!! يعني مش تقصير من الزوجة! انا الحمدالله مقتنعة امام نفسي وامام ربي اني اعامله معاملة ترضي الله . وانا حتى بهالفترة اللي هجرني فيها ما بعمل علاقات بشبان اعوذ بالله بس بدي اوجه رساله الى كل زوج انو يعامل زوجتة في ما يرضي الله ويتذكر ان الله يمهل ولا يهمل كلنا عندنا اخوات وامهات وبنات.. ولازم نخاف عليهن وبنات الحرام الله لا يسامحن (خرابات البيوت). صاروا كثار بهالزمن . واتمنى من القراء الاعزاء انهم يردوا بردود جدية وبدون سخرية لانو هالمشكلة عم تدخل كل البيوت وممكن تصير مع اختك او عمتك او خالتك..وشكرا لموق العرب.