زميلتي في السكن الطلابي شاذة وأخاف على نفسي ولم اعد أطيق الجامعة

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
موقع العرب مرحبا... انا في مأزق جدا صعب وما بتخيل رح اعرف اطلع منو على الإطلاق.. انا صبية عمري 20 سنة شاطرة كتير بالمدرسة وانقبلت اتعلم موضوع طبي في جامعة بعيدة عن هون وطبعا مش رح اغدر افوت بالتفاصيل كتير حتى ما تنكشف الحقيقية على الملأ.. الاشي اللي صار اني بلشت اتعلم مع انو وضع عيلتي الاقتصادي جدا صعب وانا من اول ما فاتت الجامعة كتيير مبسوطة بدراستي.
القضية بلشت لمن قدمت على طلب للسكن الجامعي وطبعا من الموت وافقولي على ماعون مع صبية تانية. من فترة سمعت عن زميلتي اللي معي انها شاذة جنسيا وانا ما صدقت هاد الاشي ومن وقتها مش عم بنام، مع اني لاحقا اكتشفت انها هيك بالفعل.

صورة توضيحية

أخاف على نفسي
انا محتارة من امري وضع اهلي المادي ما بسمحلي اسكن في بيت لحالي ومن ناحية تانية طلعت روحي تنهن وافقولي على معون ومن ناحية تالتة خايفة على حالي من عدة امور ونقاط اولها انها تصير تحبني او اني مع الوقت اصير متلها لا سمح الله. ونفس الوقت خايفة اظلمها يعني بالاخير انا مالني ومالها وكل واحد حر بحياته بس مجرد انها معي بالمعون ممكن يأتر على سمعتي وعلى حياتي وتفوق الدراسي وتركيزي.

لم اعد أطيق الجامعة
مش قادرة احكي لاهلي ولا لأي بني آدم على وجي الأرض بس فجأة صرت بدي اطلع من الجامعة وصرت احكي لأهلي انو بدي اخلص بس بدون تقديم عذر مقنع وهني طبعا رفضوا... انا ما بغدر افاتح زميلتي العربية اللي معي في الماعون عن الموضوع، لهيك لجأت لموقع العرب وكلي أمل إنكم تساعدوني وبترجاكم بدون تجريح وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il