زجل للميلاد من الِمغاره فاض النّور بقلم :اسماء طنوس المكر

زجل للميلاد من الِمغاره فاض النّور بقلم :اسماء طنوس المكر
تمَجَّد إسمَك يا ربّي __________ جمّعِت شرقي وغربي
وِشْمالي معِ جْنوبي __________ بسلامَك تِنهي الحربِ
___________________________________
مَجْدُ الرّبِّ غَطّى الكون _________ جَمّلــها بِأجمــل لـون
لازم هيك الدّنيي تْكون _________ تْزَيِّنها ثيابُ الحُــــبِّ
___________________________________
جُوّاة مْغـاره صْغيــرِه _________ وَلَـــدَتْــــهُ الأمــيـــرِه
لا فرشِه ولا حصيـرِه _________ وَضعتْــهُ بعَــوْنِ الرّب
___________________________________
في المِذوَد والدّنيي بَرد _________ والأجواءِ برْق ورَعْـد
لا ثَوْب ولا كِسوِه بَعْـد _________ وأحوالُ الطّقِس صعْبِه
___________________________________
مِن الِمْغارَه فاض النّور_________ وِالنّجِم ضَوّى المعمور
فاحت روايْـحُ البخّــور _________ مْعَطَّر مِن ريحِة ربّي

_