زجل للقديسه مريم بواردي/ بقلم: اسماء طنوس

 مريم يسوع المصلوب ___ يالمحبوبَه عَالِقْلوب لَمّـا صِــرتِ قِدّيــسِـه ___الوَرِد فَتَّح عَالِدْروب *** لَاجْلِ التّواضُـع فـيكِ ___ مَجّدِك رَبّي الخالـق صِرْتِ لِيسوعِ شْريكِه ___ تْحَدَّيْتِ كُـلَّ عائـــق صعاب ال مَرْقَت عليكِ___ أعطَتِك إسْماً لايِـق مبروك هالإسِــم ليــكِ ___ يا نَقِيَّه مِن الِعْيـوب *** يا زنبقـــةَ الجـــليــلِ ___ نِحنا فيـــكِ تزَيّنّـــا ياللّـي مالِـــك مَثــيلِ ___ بعِطرِك نِحناتْعَطّرنا يا بَلسَــم لِلــعلــيـــلِ ___ بشفاعتِك تعـــالَجــنا عندَ العذرا صلّيـلي ___صَلّي تَتِخْلَص الِحروب *** صَلّـي للعالَــم كُلُّــه ___ تَيِعْرِف مَعنى السّـــلام خَلّينا نعيش بْظِلُّــــه ___ بالـــمــحبِّـــه والــوِئـام القَتِل بَعِد ما يْظَلُّـــه ___ يزول الشّر مْنِ الأنــام قَلبِك لِقْلوب تِحتَلُّــه ___ تَيِتْــعَــطّــروا بِطْيــوب *** أسَّسْتِ الرّهبانِيّــِه ___ والأديِـــرَه عَــــمَّـــرْتِ لَعبِلّيـــن التّحيِّـــه___ياللّـــي فيـهــا تقَــدّسـْتِ وحُرفيش فيكِ غَنِيِّه___ ياللّــي فيـــها اتْوَلَـــدتِ للعالم انـتِ هدِيِّـــه ___ صَلّي تَالعالَـــمِ يْتـــوب *** يا بَواردي قوليلي ___ ليش اختارَكِ الأعظم بإيمانِك يا الأصيلِه ___ الرّبُّ عليـــكِ أنْــعَـم وبِهالسنينِ القليــلِه ___عمِلْتِ شوطَلْبَت مريم ما زِحْتِ ولا ميلِه ___ وحَقٌّقتِ كُلَّ المطلوب  

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net