زجل لشهر رمضان/ بقلم: أسماء طنوس

1) هـلّ هـلالَك وفْرِحْنا أهــلاً رَمَـضـان فيكَ العـالي بيِرحمنا بيِـعـطي الغُفـران ************ 2) لِهْـلالَك شو اسْتَنّينا أيــام وِشـهـور ولِصيامَك شـو حَنّينا تَتْـجـيـنـا تـزور وِذْنـوبِ اللّي سوّينا بـيِـمْحَى الغَـفـور ربّـي العـالي يهَنّينا بشَـهِـر رمـضـان ************* 3) بيـن البَشَـر والدّايِم صُـلْـحَـه وسـلام وبين الصّايِم والصّايم حُــبّ وِّئـــام الله بيـهـدي إلنّـايِم إصـــحَ قَــوام قـوم وَحِّـد الـدايم ربَّــك رَحْـمــان ************* 4) يـا غافِر كـلَّ ذنوبي طـهّـرْت قـلـوب يـا معطِّر ليَ طيوبي إِنـتَ المـطـلـوب إنتَ أكـلي ومشروبي وانـتَ المـرغـوب والـلّي روحُه مغلوبِه بـيـلـقـى الأمـان *************

6) اهلاً بالضّيفِ الغـالي
ريـحتَـك بـخّـور
نـورَك أكـبر دلالِـة
ضـوَّى المَـعـمـور
جايِ وحـامِل رِسـالِه
مــنِ الغَــفــور
إلَـك توبِه منِ العـالي
بصـومَـك رمضـان
**************
7) يا خاطي قـوم وصَلّي
وِاذكُـــر ربَّــك
وِهْمـومَك إلْـها حَلّـِه
لا تِـِتْــلَـَبَّــك
ربَّــك غـافِـرِ الزّلِه
هــو بـيـحـبَّــك
وبـيداوي أيَّ عِـلِّـه
بــحُــبَّ وحـنـان
**************
8) روح وسامـِحْ أصحابَك
وجـمـيـعَ النــاس
إوعَ تسَـكِّرِ ابـوابـَك
وِتْـقَـسّـي الـراس
وزِّعْ يا اللِّـي بِجيـابَك
مِـن غـيـرِ قْـيـاس
راح تربَح منّـو ثَوابَك
وتـبـقـى الـرَّبـحان
**************