زجل الأضحى رمزُ الفداء/ بقلم: أسماء طنوس

جايِ الأضحى بهذا العيد--- فِيّــو العِبْـــرَه وِالمُـــفيد دَرْس الطّاعه والإيمــان--- وعَن خَيَّك لا تْكون بْعيد ____________ الأضحى بيصَلِّحِ قْلـوب--- هالقاسيه مِثْلِ الصُّـــوّان بِالأضحى غُفرانِ ذْنوب--- لَمّا بتُطــــلُبِ الغُفــران ربّي الخـالِقِ الشّـــعوب--- أعطى حُبُّــه للإنســـان إن كانُّه قلبَك غَضــوب--- ما بِتلاقــي يوم سعـــيد ___________ رُحْ صالِح ياللّي مْعاديه--- تَالرّبِّ يِقـــبَل دُعـــاك لا تْحَيِّد عَنّـــو تْجافـــيه--- بالصُّلْحِ بيِرجع صَفـاك وِالزّعلان ابْقَ راضيـه--- تَالرّبِّ يْحَقّــق رَجـــاك حَيّـــيهِ وِابْـــقَ حاكيــه--- بتِبقى الإنسان الرّغيـــد ____________ والأضحى عَلَّم النّاس---عالمـــحَــبِّــــه وِالــفِـــداء تْبادِلهُم أجمل إحساس--- تَيْـذوب بينكُــــم العِـــداء بِالتّعالي ورَفْعِ الرّاس--- راح تِخسرِ الأصــدقـــاء التّواضُع هُوَّالأسـاس--- مَعنى الإيمـــانِ الأكــــيد ____________ حَنِّن قلبـَك عالفقـــير--- نــــاوِلْـــهُ من خَيْراتَـــك أعطِ منِ المالِ الوَفير--- راح تِتكافا بْحَــسَناتَـــك إعطِف بِقلبَك الِكْبــير--- لَطِّـــفْ قلبـــُه بْكِلمـاتَـك إعملْ خيرارميه بالبير--- راح تِخلَق أوَّل وِجْديد

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net