زجل أنتَ نَبْضُ الحياة/بقلم: اسماء طنوس

جانا الربيعُ الأخضر وبسمتُه نُوّار جايِ تَيُفرش عَالدِّني جمال بسماتُه جانا بعد غْيـاب وفتَّحــت الِازهار حَسّت بِدنيي جديدِه جايِـه بِطلّاتُـه بجَوقِة نشيد وفرح غَرَّدت الِاطيار برَجعِة ربيع الكون وجمال لَوْحـاتُه عِمـلولُه زَفِّــه وعُـرس لشهـِر آذار هالجايب معو الربيع ال فيّو جنّـاتُه بتشوف فِيّو الطبيعه مْشَكَّلِه بِازرار مفروشِه بالألوان ومن سِحِر حَـلاتُه يا سِحر الربيع الجايب معو أسرار جايِب محبِّه وعِشِـق تِغـزِل بِنظـراتُه أنتَ الحياةُ وفيكَ نَبضاتُ القـلوب فيكَ النّبِض بيــعود بترجــعـلُه حيـاتُه

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com