رسالة من فتاة لكل شب وصبية

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا لكل الزوار من كل العالم والمجتمع انا صبية من مدينة باقة الغربية بدي اوجه كل كلمة وكلمة لكل شب وصبيه رح اجرح كتير بس ما تاخذوني. اول شي مجتمعنا صار مجتمع ما الو معنا لانو ما بحترم اشي اصمو بنت لمن بيسمع هاي الكلمة بوقف كثير وهو يفكر بنت = شرف = كرامة = حبس بيتي = ........ كتير اشياء . ليش المجتمع بعامل البنت كانها عبيدة عندوا متل الشباب بصاحبوا هاي وبتحكموا بهاي هيد هو موضوعي وخاصة بباقة الغربية هاي الظاهرة زادة عن حدها كل شب بصاحب صبية هات لنسالو لو اختك صاحبت وانت عرفت شو بتعمل؟؟؟ بسكت وبتكون ايدوا قبل لسانوا بقعد ايقول انت وسخت شرفي انت عملت هيك وهيك وهيك وهو بيكون عامل بلاوي هيد بصراحة ما عندوا كرامة ولا شرف وبعدها بروح على البيت بعجب باختوا . طب مهو الدين قال المراة عقلها ناقص يعني عندها حنية اكتر من الرجل ولا ما بتعرفوا اكيد كل واحد بعرف هاذا الاشي وعلى هاذا الاساس بيعمل هيك شو بيقول عقلها ناقص طب بدي اصاحبها . ما بلوم بس الشباب كمان الصبايا الي بستغنين عن كرامتهن وثقة اهلهن فيهن وبقبلن طب شو ظمنك انو الشب بحبك بتلقي مصاحب عليكي الف وحدة وبتقولي بحبني هيد بلعب بعواطفك لانو بعرف انها نقطة ضعفك . والشب الي هو شغلو يلعب على هاي وهاي . شو يعني شب = رجولية= عضلات = كرامة ما تنزل واذا نزلت ضربت الايد بتسبق اللسان. وكل شب بصاحب صبية بيحكي عنها بالطول وبالعرض . كمان كل صبية منكن لمن بتحكي عن بنت ثانية ( اشاعات) شو بكون موقفها لو حدا جاب سيرتها بتعصب وبتقيم الدنيا وبتقعدا مع انها بتحكي اشاعات ما الها اول ولا اخر كمان الشباب صبية ما رضية في بيرو حشو يحكي انا صاحبت هاي البنت . ليش مجتمعنا هيك كمن بنت ماتت بقصة شرف كمن بنت انداست تحت الاجرين وكمن شب انسجن بسبب هاي الاشياء ولا كمن شب انقتل. كمان شغلة في باقة شغلة القتل وضرب النار صار الواحد بدو ينزل على البلد صلاحوا على خصرتوا. وينتا بدكم تصحوا على حالكم كل قصة شرف لو امك او اختك شو بصير وكل صبية كرامتك وشرفك وعرضك وين راح حبيتي ما حدا كلك ما تحبي حبي بس ما تطلعي حبك لبرة . بتمنى انكم فهمتوا قصدي من طرح الموضوع كل واحد عندوا كرامة وشرف بفهم هاذا الاشي.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il
كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة.