رجل (39 عامًا): زوجتي تركت لي البيت بعد خلافاتها الطويلة مع والدتي
جاء في الرسالة:
جاء في الرسالة:
زوجتي كانت تتنازل في البداية وبعد ما لاقت انه ما في جدوى مع امي من الكلمة المليحة بطلت تسكلتها
إذا طلعت معها وسكن ببيت بالإيجار انا متأكد كل البلد بدها تقول ترك أمه مشان مرته وبنفس الوقت اولادي بستغناش عنهن ومرتي مبسوط معها
وصلت الى موقع العرب رسالة من رجل يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي:
السلام عليكم، يمكن الكل يستغرب انه بطرح هيك مشكلة قدام الجميع، لأنه انا مشكلتي واقعة بين زوجتي وأمي ولكل واحد تفكيره. انا عمري 39 سنة، ساكن فوق اهلي وزوجتي دائمًا على خلافات مع والدتي وولا وحدة بتتنازل للثانية، عشان اكون صريح اكثر، زوجتي كانت تتنازل في البداية وبعد ما لاقت انه ما في جدوى مع امي من الكلمة المليحة بطلت تسكلتها. منذ فترة صار في شجار كبير بينهم وامي زودت باحكي، أجت مرتي تركت البيت وطلعت واليوم بتقول بترجعش بلا بيت لحالها، لو بالإيجار. إذا طلعت معها وسكن ببيت بالإيجار انا متأكد كل البلد بدها تقول ترك أمه مشان مرته، بنفس الوقت اولادي بستغناش عنهن ومرتي مبسوط معها، حكيت مع الجهتين وفش فايدة... شو اعمل؟
صورة توضيحية
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net
