حبيبي لا يتغزل بجمالي !

وصلت الى موقع العرب، هذه الرسالة من فتاة تطلب نصيحة زوار موقع العرب من خلال طرح مشكلتها.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

نهاركم سعيد لجميع المعقبين ولجميع طاقم موقع العرب انا ما رح اطيل عليكم بس بدي طلب بلبدايه انو تساعدوني بدون تجريح والي ما حيقول شي مفيد بلا ما يكتب,,, انا بنت عمري 22 سنه حلوه كتير وما بقول هيكـ لمجرد اني شايفه حالي حلوه لكن بشهادة كل الناس والصبايا والشباب الي بصادفوني انا بتعلم بجامعة القدس مشكلتي انو انا من اول ما كنت بجيل المراهقه لحتى الثانويه حبيت كتير او بمعنى اصح كان طيش وكل بنت بكون الها هاي القصص كنت كل ما احب شخص واحكي معو بسرعه امل منو بعد كم يوم واتركو واقول مو هاد الي بدي ياه بس لحد قبل سنه تعرفت على شب معي بلجامعه شب لزيز وشخصيته حلوه والي جزبني الو انو جدي ومو هو الي ركض وراي انا الي بلشت اتحركش فيو حتى جذبتو الي وصار ما يمرق يوم الا ونقعد اقل شي ساعتين سوا نحكي عن اي شي ومرات نطلع بسيارتي لفه هاد الشب وضعو الاجتماعي مو كل هلقد هو بتعلم وحتى لسا مو مجهز بيت بس انا قلت مش مهم سوا رح نتغلب على اي شي وتحديت اهلي وحطيتهم تحت امر واقعي وقلتلهم انا بطلع معو وشو ما بدكو تفكرو المهم بدي ياه ووافقو عليه لما اجا طلبني مشكلتي هي كالاتي انو من فتره بسيطه بلشت اشعر مو هاد الشب الي بدي ياه يعني صح شخصية الشب الجديه والرتسنيت حلوه بس مو لما تكون كتييريه يعني ولا مره حاول يتغزل بجمالي دايما بقلي لما ما احكي هاد معنى انو بحبك اكتر وولا مره حاول يقلي فستانك حلو مع انو البنت بتحب هاي الحركات حتى لما نكون بمكان رومنسي سوى بتكون رومنسيه بجديه وهاد الشي بلش يزعجني بدي ننجن سوى ونعمل اشيا حلوه لانو الحياه بدها هيك وهيك ومن جها تانيه انا ما فيني استغني عنو لانو هو فيو مواصفات شريك الحياه المثالي ولانو صرت حاكيه لاهلي اني طلعت معو كتير قبل الخطبه وهم الي ما رح يسمحولي وهاي قصتي الي محيرتي ارجوا النشر بسرعه ومن دون كلام بجرح