جمعية دارنا في الطيرة تقيم مشروع بعنوان انت جزء مش اضافي

جمعية دارنا في بيانها:

خلينا نتحمل المسؤولية الكاملة في كل نواحي حياتنا ونتوقف عن لوم الاخرين واختلاق الاعذار وانت جزء مش اضافي

انت شو عملت عشان اتغير في البلد، واتغير في حالك؟ مش احنا كلنا عايشين مع بعض، ومنا انعيش حياة احسن، ونلحق العالم ويكون عنا نظام وتقدم؟

بادرت جمعية دارنا في مدينة الطيرة الى اقامة مشروع تحت عنوان " انت جزء مش اضافة"، الذي سيكون عبارة عن 5 لقاءات تبحث بها المجموعة عن المشاكل التي تراها موجودة في الطيرة وفي المجتمع العربي خاصة، وذلك بهدف طرح حلول عملية وليست نظرية تكون بمتناول يد الجميع، من الصغار والكبار.

وقد اصدرت الجمعية بيانا كتب باللغة العامية جاء فيه:" في كثير اشياء في بلدتنا مش معجبتنا، في كثير اشياء احنا بنقول انها تخلف ورجعية، في كثير اشياء احنا متضايقين منها، في كثير اشياء الي الكل بشكي منها، في كثير بسمع جملة بدي اهج من البلد، كثير بسمع شوف اليهود متعلمين اكثر منا، في كثير بسمع جملة فش ثقافة ولا تربية، في كثير مرات بسمع جملة يلعن العرب شو بقر، في كثير بسمع بحياتنا لا نتقدم ولا نلحق العالم، في كثير بسمع انو البلد صارت تكساس ومش امان، في كثير بسمع انو البلدية ما بتشتغل ونوابنا العرب في الكنيست بحركوش اشي وملتهيين بفلسطين، كثير بسمع انو الانتخابات عائلية، كثير بسمع جملة انو البلد بدها حرق".

اختلاق الاعذار
وتابع البيان:" انت شو عملت عشان اتغير في البلد، واتغير في حالك؟ مش احنا كلنا عايشين مع بعض، ومنا انعيش حياة احسن، ونلحق العالم ويكون عنا نظام وتقدم؟، خليها في بالك انو لمن تسوق زي المجانين وما بتعطي حق الاولوية من هان تبدا قلة النظام، لمان ترمي بالشارع من هان تنتشر الاوساخ، لمان تتعصبن وتصير اتسب وبدك تقاتل من هان تبدا قلة الامان، لمان ما تطمح لحياة كريمة ومستقبل من هان تبدا التاخر، لما ما تحترم حالك من هان يبدا عدم الاحترام لالك، لما ما بتفكر الا بنفسك من هان تبدا الانانية وقلة الانتماء، لمان انتي تنتخب ابن عيلتك لانوا من العيلة من هان تبدا العائلية".
في نهاية البيان جاء:" خلينا نتحمل المسؤولية الكاملة في كل نواحي حياتنا ونتوقف عن لوم الاخرين واختلاق الاعذار وانت جزء مش اضافي".