بسمِة أمّي/بقلم:اسماء طنوس

هايِ البسمِة ياللّي بْريد  بِتْردّ البهجِة مْنِ جْديد بسمِة أُمّي أغــلى الكُـلّ  شُفتا عالوردِة مْنِ بْعيد *** شُفت الوردِة بتِضحكلي  ضِحكِتهـا بسمِــة أُمّـي جايِ تشاركني الحفلِــة  وتِطبع بوسِـــة عَتِــمّي معهــا كِلمِــه تَتْقــولّـي  وِتْلَطِّــفــني كالنّســمِــة إوْعي يا بنـتي تْخَـلّـي   حُزنِك يِتْغَلّــب وِيْزيــد *** روحي دايْمـاً معــاكِ  حَـكِتْــني وطَمَّــنِــتــني ولا مُمكِن أنا أنسـاكِ   بْراحِــة قلبــي خَلّتـنــي ولَمّا تْصَلّي سَمعــاكِ   بهالكـــلــمــاتِ بَكّتـنــي ألــله ســامــع دُعـاكِ   ياللّا افرحي بيومِ العيد ***  طْلَبتِلّا الرّحمِة من فوق  تَيْزيد رِضاهـــا عَلَــيِّ قلبي لِها فايِض شـوق   هَالمــليـــانِــة حِنِّــِيِّــــة بْهَمساتا قلبي بـيروق   كُل ما وَصّتني وْصِيِّــة قلبا عَلَــيِّ محــروق   بَدها ايّـاني كون سعـيـد *** بَوِعْدِك يَمّا عَطـول   ما انســاكِ طول حيـاتي رَبّيتيني عالأُصـول   وكُنتِ بدربـــي نَجاتــي فَضلِك عَلَيِّ بيطول    ما بْــسِــدُّه بسنَــــواتــي وكُلْما بتِتْرَضّي بَنول   بتِتْــحَقَّــق لِيَّ مْواعيــد

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net