باب القُدس/ بقلم: سيمون عيلوطي

دَمْعات تِحكي شوق
حُبِّ القلْب،
هَالغُربِه مُرَّه والفُراق
شو صَعْب
أهْل الهَوَى عَ البُعُد
شو جَنُّو...
ذِبْل الوَرِد عَ وْجوهِن...
أنُّو...
ذاقو مرار الويل
عّ الفُرقَه
ما عادو شافو
هَالسَّما زَرقا
اسْوَدِّ الفَجِر فِ عْيونْهِن
وِالحُب...
ما ظَلْ يوعِد بِالهَنا
هَالقَلْب
ليش لمَّا للرُّجوع
حَنُّو...
انْبَحَّت الأوتار
يوم غَنُّو
دَمْعِةْ الأفراح
فْ ليل العُرس، ...
وِالدُّروب تْشَعَّبَت ...
وْهِنِّي يِستَنُّو
نَشَّفَت بَسماتْهِن
تَحت الشَّمْس ...
بِحلَمو بْخيَّال
تا مِنُّو ...
ييجي يِفتَح مَعهِن...
باب القُدس!!...

( الناصرة )
 

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com