العنف خطية/ بقلم: أسماء طنوس

بالعنفِ بتخسر ربَّك ___ بتقـطع الصِّــلى مـعـــاه
رب السما اللّي حَبَّك___ كيــف رايح تبــقى بــلاه
____________________________
بالعنفِ مِثلِ الشّريـر___ بتبقى ماشي في الضّلال
للشيطان بتكون أسير___بيُسكن فيك وفي الخيــال
بتخسر حياتَـك بَكّيـر___ بتــوصَــل لحالِـــة إذلال
ومالَك سَيْطرَه وتدبير___ وما رايِح تِلقى النّــجـاه
____________________________
الله بيِــقـبـل التّـايِـــب___ ياللّي بيُطـلــب نــدامِـه
ياللّي كل عُمرُه خايِب___ بالتّـوبِــه في ســلامِــه
واللي عن ربُّه غايِب___ بلا ديــن ولا كــرامِـــه
بإيدُه المصايِب جايب___ بيكون أخفق في رجــاه
_____________________________
والعنفِ جابلَك خطيِّه ___ فيّو ما بتــرضي رَبَّــك
بأعـمـالَــك الـرّدِيِّــه ___ بتِغضِـــب الله اللّي حَبَّك
ياللّي مِنّـو العـطيِّــه ___ ما بـتستــاهَــل يــحِـبَّــك
دروبك ما هي سَويِّه___راح تِتـعَثَّــر في الحـيــاه

 المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net