العزابي يفعل السبعة وذمتها وباللحظة التي ينوي الزواج يبحث عن اطهر امرأة!
- ابرز ما جاء في الرسالة :
- ابرز ما جاء في الرسالة :
* في كل مرة يحاول شاب ان يتقرب لي..لا اسمح لنفسي خوفا على اسمي واسم عائلتي
* احببت قريب العائلة....ولكن عن بعد فأنا لم ادخل معه بعلاقة حب لاني ابحث عن الجدية...الخطبة
* حائرة بين نظرات المجتمع المستفزة وأسئلة محيرة تدور في فكري وعقلي حول علاقاته السابقة!
* هل من حقي ان احاسبه على ماضيه ان كان سيئا او جيدا ان لم نكن على علاقة حب وعلاقة جدية؟
* هل من حق الاخرين وحتى الاقرباء التدخل في ماضي من لا يعنيهم وحياتهم الشخصية ما داموا لم يؤذوهم بتصرفاتهم ؟
* من منا لم يخطىء؟ ولما نعطي لانفسنا حرية الحكم على الاخرين وعلى علاقاتهم وهم بعيدون عن الارتباط بشريك /ة المستقبل ؟
وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي :
مرحبا شباب وصبايا, انا صبية عمري 20 سنة من المركز, بنت متعلمة حلوة ومن عيلة منيحة حمدلله, حابة احكي شغلة صارت معي وبدي تعطوني رايكو.. انا عمري ما سمحت اني اكون بعلاقة مع شب لاني كنت دائما مخلصة للانسان الي ببالي وهوي شب من عيلتي, ما في بيني وبينو اي علاقة وهوي الي اقترح هاد الموضوع احتراما للعيلة وبدو علاقتنا تكون بس لاشي جدي مثل الخطبة. المشكلة الي بمر فيها حاليا انو هاي الفترة حكى معي شب بيقرب لامي بالنسبة لموضوع الارتباط ولمن عرف انو ببالي واحد تاني بلش يحكيلي انو ما بيستاهلك لانو كتير كان بعلاقات مع بنات!وانو بيطلع معهن يعني علاقات محرمة.. انا ما بنكر انو الموضوع اشغلني وضايقني كثير الا اني ما اظهرت هادا الشي وكان ردي انو لكل انسان في ماضي خاصة الشب, وانا مالي سلطة عليه لمن بيني وبينو شي جدي عندها كلشي بيتغير وازا صار هيك غلط اكيد راح يخسرني...
.jpg)
صورة توضيحية
بس هوي كثير اثر عليي وبلشت افكر اذا عنجد الو هيك تجارب ويلا كلو حكي فاضي من هادا الشب عشان يبعدنا عن بعض!! والمشكلة انو انا بقدرش اجي اسأل الشخص الي بحبو ازا عندك هيك علاقات لانو الاشي صعب وراح ينجن ازا بيشك اني انا مصدقة التاني.. بالنهاية بدي اسأل ازا هيك علاقات عادي عند الشباب؟! وليه لمن ييجي وقت الجد بدهم انساني محداش لمسها؟! بس بدي تعطوني رايكو بالموضوع!! وشكرا لاحلى موقع واحلا مشاركين.
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il
