الطمع بيضُر ما بيِغنيك/ بقلم :اسماء طنوس

الطمع عُـمرُه ما جاب السّعـادِه إبتِعِــد عَـنّـو لا تْــروح بإبــادِه الطمـع شـر ومُمـكــن يِبتِـليــك وهُوَّ الكُفُر لمّـا بتِـعبَـدُه عبــادِه *** إرضَ باللّي عندَك وباللّي ليـك ولا تِكُنْ طمّاع معـدوم الإرادِه النّعمِـه ياللّــي عـندَك بتِكفـيـك لا تطلب فوق المُعدّل بزيـادِه لا تْخَلِّ الطمع لِدْروبُه يوَدّيك دروبُه التَّعاسِـه ما منها إفادِه وبالعمى آخرتُـه راح يِبلـيك تْعَقّل يا أخي واطْلُب الرّشادِ الطمع شهواتُـه راح تِعمـيك وبيِصبح القلِب جُوّاتُه فاضي بيِملى بالكُرُه والكُل بيعاديك وما تْعود تِلقى حدى راضي والكُل بالطّمّاع رايح يسَمّيك وبتقضّي ليلَك كُلُّـه بالسُّهــادِ تْواضَع يا أخي ربّنا يْخلّيـك رِضى الإله حَيْكون الشّهادِه الطمع بيضُـر وما بيِغـنيـك وبيوجِّع الراس من الِهموم وللّطبيب بتْزورُه في العِيادِه   المكر  

 موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.net