ابي يمنعني من الخروج مع خطيبي بسبب العادات والتقاليد التي يؤمن بها

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم مشكلتي صعبة كتير وبتمنى انو حدا يساعدني والاقي عندكم الحل... انا فتاة ابلغ من العمر 21 عاما مشكلتي بدأت من لما كان عمري 17 سنة،  خطبت لشخص بقربلنا او بالاحرى من طرف الاهل، وكتبنا الكتاب، وبوقتها كان التخطيط انو انا واهلي نسافر على اوروبا،  صراحة انا ما كنت حابة انى اخطب او اتزوج بإعتبار اني كتبنا كتابنا، بس خطبتي من هذا الشاب كانت مصلحة زي ما بقولوا... مصلحة للأهل، حاولت كثير اتناقش معهن وطول الوقت انا كنت اقول انو انا مش معجبني خطبتي، بس أهلي اقنعوني انو الشب كثير ممتاز، وانو هوي منيح، وبالفعل وافقت وما عارضت بالرغم من اني ما بحبو، بس قلت بحالي الحب بصير مع الوقت،  المهم من بعد ما رحنا الى اوروبا عشت هناك سنة و نص، رجعنا الى بلدنا، هنيك الاجواء مش زي عنا بالبلاد، خصوصاً للبنات اللي بنعموا من حرية مطلقة، وهاي مش مشكلة لأني انا بعرف بالعادات تبعتنا، ولما رجعنا على البلاد عملنا خطبة كبيرة، وعزمنا الناس والكل عرف اني مخطوبة، ومكتوب كتابنا، وبعد الخطبة رجعنا على اوروبا، وضلينا انا وخطيبي نحكي مع بعد في تليفون، وبالفعل زي ما توقعت انا حبيتو كثير وتعلقت فيو وهوي كمان،  وبقينا على هاي الحالة 3 سنين و نص،  المشكله لما ارجع علي بلدي ابوي ما بسمحلي اطلع معو علي اي مكان مع اني كنت حابة التقي فيو لحالنا ونتعرف على بعض اكثر، بس للأسف الوالد ما سمح وكان دايماً جوابو بس تتزوجوا وتعملوا عرس علني انت حرة، وهيك انا بعتبر انو كتب كتابي ما هو الا حبر على ورق، وانا اسا واقعة بمشكلة كبيرة انا بحبوا كتير واحنا على وشك طلاق عشان زوجى/خطيبي موعجبوا هلحال الي احنا فيه بقولى احنه متزوجين علي ورق بس!!!
ارجوكم ساعدونى شو اعمل هل ارضخ للواقع اللي انا فيو واقبل بالانفصال عنو بالرغم من حبي  واشوف حالي مع شاب ثاني وهوي مع صبية ثانية ولا شو اعمل. علي فكره في شاب بدوا يتزوجني هون في اوروبا. وانا بحب خطيبي... وشكرا الكو وللموقع الحلوو ... 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il