ابن عمي يهددني بفضح علاقتي مع شاب إذا لم أنفذ ما يأمرني به... ساعدوني

أبرز ما جاء في الرسالة:

خلال الشهرين التقينا اكتر من مرة في نشاطات اجتناعية ومرة التقيناى بمطعم في البلد

انا قلت لحبيبي عن هاي القصة وقلي انه هو مستعد ييجي يخطبني من اهلي بس الوقت بعده بكير

ابن عمي صار يتحكم فيي وين اروح وين اجي مع مين وكيف وليش وغير انه صار يطلب مني اشياء مختلفة اعمله وظايفه

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا صبية من بلدات الشمال، من عيلة محافظة كتير، وعمري 17 سنة، وشاطرة كتير بدراستي، قبل شهرين تعرفت على شاب من بلدة من حدنا وهو كتير منيح ، واحنا عم منفكر بعلاقة جدية، والشهرين اللي مرقوا مرقوا كأنهن لحظة وحدة، كتير بحب حياتي بوجوده، طبعاً تعرفت عليه اولا وجه لوجه خلال نشاط اجتماعي صار في البلد، وبعدين صرنا نتواصل على الايميل وعلى الفيس بوك وع التلفون.


صورة توضيحية

خلال الشهرين التقينا اكتر من مرة في نشاطات اجتناعية ومرة التقيناى بمطعم في البلد، وبالذات بهداك اليوم شافني ابن عمي !! وهون وقعت المصيبة، من يومها وانا عايشة بخوف وقلق، وابن عمي يهددني انه يقول لاخوي او لأهلي عن هذا الشاب، مع انه انا عارفة حالي مش عاملة اشي غلط. بس كمان بعرف انه الاشي مش مقبول على اهلي او عيلتنا ابدا.

تهديدات ابن عمي
ابن عمي صار يتحكم فيي وين اروح وين اجي مع مين وكيف وليش، وغير انه صار يطلب مني اشياء مختلفة اعمله وظايفه، اغششه بالامتحانات (هو من جيلي) ، وخايفة طلباته تكتر وتكتر ويصير يطلب مني اشيا مش منيحة اعملها ..
انا قلت لحبيبي عن هاي القصة وقلي انه هو مستعد ييجي يخطبني من اهلي بس الوقت بعده بكير، لانه بعدنا صغار (هو عمرو 21 وبعده مش مخلص تعليم وبعدو مش باني دارو).

شو اساوي ؟!!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il