أم (41 عاما): زوجي ترك البيت وأولادي يتهمونني بإهمال نفسي ويسخرون مني

أبرز ما جاء في الرسالة: انا سيدة متزوجة عمري 41 سنة وعندي 5 أولاد أعمارهن بين ال 19 - 10 سنين بس  زوجي تركني وترك بيته وولاده وراح

زوجي صار ينتقد كل اشي بشكلي وبطل اشي يعجبه وأنا ما كنت فاهمه ليش مكنتش مقرصي بحقه او بحق البيت والاولاد دايما بعملهم اللي بدهم ياه بس هو ما كان راضي

قبل 8 أشهر بالزبط صارت مشكلة بيني وبين جوزي وصار يصيح ويقولي العيشة معي بطلت تنطاق ومستحيلة وترك البيت ومشي من وقتها ما شفته مع أنه بيجي بشوف الأولاد وبعطيهن مصروف وبوخدهن مشاوير وطلعات

أولادي بتهموني أنه أنا السبب باللي صار وأنه أبوهن منيح وما كان بده يترك البيت بس أنا اللي أجبرته ولما أسألهن ليش بقولولي اتطلعي ع حالك بالمراي هاملة حالك ولا بتعتني بنفسك ولا بلبسك ولا بوزنك ولا بريحتك

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا لكل المتابعين بموقع العرب.. أنا مشكاتي كبيرو ومعذبتني عذاب أكبر..وبدي أحكيلكم اياها وبتأمل ما حدا يجرحني ويحكي حكي ما اله فايدة لأنه اللي فيي بكفيني. أنا سيدة متزوجة عمري 42 سنة وعندي 5 أولاد أعمارهن بين ال 19 - 10 سنين، وانا بشتغل معلمة صف بستان.. يمكن القصة لهون مبينة طبيعية وفش فيها مشاكل.. بس بالواقع مش هيك..


تصوير thinkstock
 

أنا زوجي تركني وترك بيته وولاده، وراح .. المشكلة بلشت قبل شي 3 أو 4 سنين.. حسيت من وقتها جوزي بلش يبعد عنه صار يحب يقعد مع حاله أو يوخد الاولاد ويطلع معهم وأنا اكون أشتغل بالبيت لحالي.. صارت طلباته غريبه .. صار يقولي أغير طريقة أواعي وأنتبه لأكلي ..صار ينتقد كل اشي بشكلي وبطل اشي يعجبه..وأنا ما كنت فاهمه ليش.. مكنتش مقرصي بحقه او بحق البيت والاولاد دايما بعملهم اللي بدهم ياه.. بس هو ما كان راضي..

اتهام وسخرية
وقبل 8 أشهر بالزبط.. صارت مشكلة بيني وبين جوزي وصار يصيح ويقولي العيشة معي بطلت تنطاق ومستحيلة وترك البيت ومشي.. من وقتها ما شفته مع أنه بيجي بشوف الأولاد وبعطيهن مصروف وبوخدهن مشاوير وطلعات.. بس هاد بكفيش !!! ليش ترك بيته؟؟؟؟ والمشكلة اللي أكبر من هيك بكتييير هي أولادي .. أولادي اللي بتهموني أنه أنا السبب باللي صار وأنه أبوهن منيح وما كان بده يترك البيت بس أنا اللي أجبرته ولما أسألهن ليش بقولولي اتطلعي ع حالك بالمراي .... هاملة حالك ولا بتعتني بنفسك ولا بلبسك ولا بوزنك ولا بريحتك ودايما أبونا كان يطلب منك وانت ما رديتي عليه... وهيك حالتي معهن هني عايشين معي بس كل يوم تفريبا بسمع منهن حكي جارح وبتمسخروا علي وعلى حالتي... أنا شو ذنبي اذا هيك الله خلقني وانا بعرفش شو يعني اعتني بحالي؟ شو بدو جوزي أكتر من اللي كنت اعملهن ياه من شغل البيت والشطف والطبيخ والغسيل وشغلي بالمدرسة..أنا تعبت من هالعيشة وما حدا فاهم ولا مقدر ولا حتى أولادي..شو بدي أعمل !!!؟؟ 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net