أعشق ابن شقيقة زوجي المتوفي لانه يشبه زوجي ويذكرني به في كل مرة اعانقه

وصلت الى موقع العرب رسالة من إمرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مش راح اقدر اوصفلكو شعوري بس بترجى انه رسالتي تفهمومها وتوخدوها بجدية، انا معلمة عمري 36 سنة، من منطقة المركز، حياتي كانت حلوة كتير لحد قبل سنة ونصف بعد ما توفى جوزي بحادث سيارة، وانقلبت حياتي 360 درجة.



بعدني عايشة على ذكراه ومع اني بحاول اختلط بالعالم واروح على شغلي واضحك بوجوه الناس بس ما بقدر انساه وانا لحالي بس ارجع على البيت، بس عندي مشكلة كبيرة عم بترافقني، ابن اخت جوزي عمره 20 سنة بس هو بيشبه جوزي المرحوم كتير يعني ما بيتفرقوا عن بعض، حتى هذا الموضوع الكل بيعترف فيه، وانا بديت احب اتقربلي وبحاول اكون قريبة منه لانه بيزكرني فيه، بس لما بعانقه بحس بشعور غريب، بتخيل انه زوجي هو اللي معانقني مش واحد تاني.
حاولت ما اروح عندهن كتير وما اشوفوا كتير، بس ما قدرت وهو بريء كتير ومش فاهم اشي من شعوري ناحيته، بس انا خايفة من انه هاي العلاقة تتطور لاشي غلط، ساعدوني كيف ممكن اوقف المشكلة قبل ما تكبر وتصير صعب انه اخلص منها. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il