محمد أسدي من دير الأسد وألربيع الفلسطيني

إجا الربيع بحلتو الخضره
تيملي ربوع ِ الجليل ِ زهار
شوفةِ التل بتسحر ِ النظرة
وترد روح ِ الطفل والختيار
تطلع على الزيتونات والصبرة
وعتينة وافية مزينه بأثمار
معلول فيها تطيب السكرة
بأحلى خمر قد عتقوا الخمار
برقوقة جميلة زاهية وحمرا
وعبق ِ الياسمين معبقِ بهالدار
دفق ِ الميرمية من قلب صخرة
بيملي سهولنا وهضابنا ولوعار
حُب الوطن في عروقنا يشرا
والأمل معنا رغم ِ الأسى ولمرار
هاي البلد أبية شامخة وحرة
علت علو السما ونجومها ولقمار

محمد حميّد أسدي- دير الأسد