ليسوع.. يا مداوي/ بقلم: أسماء طنوس

يا مداوي فينا الِجروح ___ لا تِبـعد عَنّــا وِتـروح
انتَ اللّي بِتردّ الروح ___ يا شـــافــي مـآسيــنـا
___________________________
نحنا فيــك منِـتقـوّى ___ بالصـــلاةِ والتّــقـــوى
ياللي بتعطينا القــوّه ___ لمّا بتمســك إيـــدينــا
___________________________
انتَ وحـدَك راعيـنا ___ يا مُخصِــب مراعــينـا
ما دُمــتَ حــواليــنا ___ عم تُشـعُـر دَومــاً فيــنـا
____________________________
انتَ الإسم ال بندهلُه ___انتَ الصوت ال بسمعلُه
حِملي عنّي بتِحِملُـه ___ وِبتـــمســح مــآقـــيــنــا
____________________________
انتَ الِمحبِّــه كِــلّا ___ عن حُـبَّــك ما بَتـخـــلّى
سُبحانُه ياللّي خـلّى ___ دربـي نـــور يضَــوّينــا
____________________________
مهما كِثرَتِ الصّعاب__ أوْ فَلّوا عنـّي الاحبــاب
أنتَ بكلِّ الأصحـاب___ نعمــة ربّـي بتــكفـيــنا
____________________________
روحَك ضاوي بداري___ ياللّـي بأحــوالي داري
غيونَك عَلَيّ بِتـداري___ عيونَــك ما بتجــافيـنــا

المكر

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.com