الشاعر الرمز عوني سبيت بقلم نايف

يا بو نبيل المجد بيحييك
والزجل والطرب عاطول بفرح فيك
يا رمز عزة شعبنا الغالي
لما سمعنا صوتك العالي
علينا معه ورفت ع لحنه قلوبنا
وصحح خواطي دروبنا
وتعلموا وتألموا من جرحك اللي ثار ومن غربه بوطن غدار , ناس
كثار
مثلي كثار
يا شاعر الشعراء يا عوني
انت رجل مختص بيإقرث
وانت رجل كوني
يا صاحب الفلاح والشغيل والمكبوت
ويا مقاوم الظلام
من هون لبغداد لبيروت
يا حر يللي ع الأسى والضيم ما بتنام
يا إنسان
يا بو المبادي
ونتغيروا الأزمان
بتظل صاحب مبادي وللعهد صَوان
وراسخ صخر صوان
ومن يوم ما شفتك ومن يوم ما عرفتك
من القلب حبيتك
وياما إجيت تزودت بالشعر من بيتك
ولما سمعتك أخ تصرخ أوف
مره
بحسره وقلب ملهوف
وتردد الغناي
بيصوت مثل الناي :
" علوا يا زمان العز       بتعود                  ونرجع عا حنين الناي والعود
   وظلوا يوعدونا وعود بوعود                  ت عشش في كنيستنا  الغراب"
" وكل ما نسم الريح    الشمالي                  مع شفاف الهوا   ببعث   تحيه
   تبوس   الغوردايه   والدوالي                  وكنيستنا    وأيادي     الختيريه"
سمعتك
ورف القلب فرفر مثل عصفور تايه في مدى مسحور

والعين سّحت السكت
وقبالي وفائي بكت
وكل ما قصص أحزان إقرث لامست سمعي
هزت أعصابي وسيلت دمعي
وخلتني أعوف :
كل المسائيل الكبار الجوف
يا بو نبيل تظل باقي بيننا عاطول بالأفعال بالأشعار
ومن حولك الأنجال والأحرار
ثوار هنّه وحقهم ثوار
تا يرجعوا ع الدار
عا إقرث وتبقى عمار
واللي بلاحق دايما بيحقق المطلب
ومش ممكن التاريخ يتشقلب