زجل   لَيسَ بالخبزِ وَحدَهُ يحيا الإنسان  بقلم:اسماء طنوس المكر

                   زجل   لَيسَ بالخبزِ وَحدَهُ يحيا الإنسان  بقلم:اسماء طنوس المكر                                             
                  الجسد من دونِ الروح ___________ ما بيعيش بلا إيـمـان
                  حـتى الروح تــغذَيـها ___________ صَـلِّ للرّبِّ الرحمـان
                 ___________________________________
                 بالشِّـركِــه مـع الإلــه  __________ وبالصّـلواتِ بتِحيـيـهـا
                  والروحِ ما لْها سِـواه  __________ هُــوِّ الــلّي بيـغــذّيـهــا
                وكـــلامُ الربِّ بَــــلاه  __________ روحَك صــحرا تلاقيـها
                إلجَــأ لـلــربِّ لَـــوْلاه __________ راح تبقى عُمرَك تعبــان
                ____________________________________
                إهتمــامَـــك بالطــعـام  __________ بتــاكُل أطيَب الأكلات
                وما بتعطي اللهَ اهتمـام  __________ وما بِتــقــدِّم حــسَنــات 
                وما بتعرف كلمة حرام __________ وما بتــنـدم عَالسيِّئــات
               وما بيهِــمَّــك الصّـيــام __________ راح تخسر مِنّو الغفران
               _____________________________________
               لا تُــعــبُـــد المَـــلــذّات __________ وتنسَ الجوعان المسكين
               خَفِّـف مِنِ المــأكــولات __________ تَــتُـشعــر بالمحروميـن
               لسانَك صُنهُ منِ الزّلّات __________ وِتْواضَـع تَالقلــبِ يْليــن
               لا تِــهـتَــمّ بالمــادّيــات __________ غَـــذِّ روحَـــك يا إنســان