زجل للعذراء مريم  نقلها يسوع الى السماء

يَسوع مـا تَـرَك إمُّـه  --- أخذها بَعـدُه عَالسّـمـا  
نَقَلها بِالجسد وِالرّوح  --- وإسما تْمَجَّـد وسَـمـا  
___________________________  
ما بَدّو تِبقى في القَبْر --- بَدّو ايّاها مَـعْـهُ تْكـون   
وما بَدّو تَتْذوق القَهـر --- اللّي وَلدَت سَيِّدَ الكون  
ياللّي تأَلَّمَت بِالصَّبـر --- بآلامُه وصَلبٌه الملعون 
 في صَمْتا أنْشَقَّ الفَجر--- وفَــرَحٌ القِـيـامَـه عَـمَّ  
____________________________   
العـذرا بِتـظَـلَّ مَعـنـا --- في السّمـا عَم تِسمَـعنـا 
دَوْمـاً عْـيونـا عليـنـا --- وقُـوِّه مِنـها بتِــمْـنَحـنـا 
مْنِ الضّيقاتِ بتِنشِلْنا --- لا يُمـكِـن تْغيـب عَــنّـا  
في صَلَواتا بتِجمَـعنا --- وِكُلِّ الجروحِ تْبَلـسِـمــا  
_____________________________   
بِانتِقالِك صار العيـد --- عْمِـلْتِ لِلفـرَح تَجـديـد  
عَمّ الفرح مِنِ جْديد --- وبِالسّما فِـرحـوا أكـيـد   
رَحَّبوا فيكِ بتمجيد --- وعَظَّموا الإبنَ الوَحيـد 
صِرتِ مَلِكَه بِالتَّأكيد --- تْمَلَّكـتِ عَرْشَ السَّمـا