زجل  عدم الثقه   -    بقلم أسماء طنوس المكر

__________________________
للثقـه قُـوِّه كْـبـيـرِه ---  بتِعطيك شجاعه ونشاط 
قيمتك دونا صْغيرِه --- بِتحِسّ دايماً  بالإحبـاط 
__________________________                                                                                  
لَوْ ما كان عندك ثِقَه --- في نفسَك أوْ في غيــرَك  
وقلبك ما فِيّو الشَّفقَه --- على قلبـك وضــمـيـرَك 
بكــراهيِّـه ولا رِقَّـه  ---  والحِــقِــد دوم أسيــرَك 
حابـس حـالك بشَقـَّه ---  مـالَك نِفِـس عَالحــيـاة  
___________________________  
ضميرك تَعَّب ِالرّوح ---مش عارف تِلقى حالك 
وين ما بتيجي أوبِتروح ---نَقصَك مِتَْعِب أحوالَك  
عِندَك سِـر وما بِتـبوح ---  مخَبِّـيهِ جُـوّا خَيـالَك 
خَلِّ قلبَك دوم مفـتوح --- الثِّقَه عربونِ  النَّشـاط