بقلم: سيمون عيلوطي

غاد... فِ لْواح البُرود عا راس شي تَلِّه شو احْتارت الوُرود قلبها شو بِغلي ... مِحتارَه بِالوُجود كَنْها في عِلِّه ... ليش النَّدى مَ يْعود مَهمومِه بتْقلّي يُغْمُر بِالزُّنود زْرار هَالفُلِّه... وِيْخِل بِالوُعود؟!! *** مْغارِة التَّنين...

سْنين تُمرُق...
تِطْوي مَعها سْنين
وِالحِلِم بَعدو حِلِم
فِ مْغارِة التَّنين
وْشو الرِّيح بِتْشَلِّع
زَهْرِةْ تِشرين
مَ عْرِفْت هَدِّي عَصفِك
شْوَيِّه عن حِطِّين
وْلا قْدِرت غَطِّي عيبِك
بِوْراق زوفا وْتين
كُرباج صايِر وَردِك
لونو أصفَر حَزين...!!

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان alarab@alarab.com