زجل المَسلَك السّليم/بقلم: اسماء طنوس

 في مَسلَكيـــن بهالدِّني عليك أن تختار واحِد بيوَدّي للنّعيم والثّاني دَربُه النّار لا تلوم رَبَّك لَوِ انتَ مِش ماشي معـو الله عَطاك العَقل وفُرصِــة الِاختِيــار الله بيِهـدي الرّوح والعَقـــل السّليـــم تِمشي بطريق النّور ودَربُه المُستقيم بلا خوف ولا عَثرات ولا أيَّ فَشَــل ما دام فيك النّـور أنـتَ في النَــعيــم لا تْخَلِّ روح الشّر يغَلغِلَك يِعميـــك وِتْزِلّ عَنِ الإيمان ياللّي ساكن فيك الشّر منِ الشّيطان قاصِد يِخــدَعَـك ويِحتَلّ فيك القلب وبِالأسى يْخَلّيــك شوف الحكيم اللّي حَفَردَرب النّجاح حَقَّق إلو الأحلام ورَفرَف بالجنـــاح ما لاقى شي قُدأمُه يْسِدِّلُّه الطّريـــق بَدّد ظلام الخوف ونَوَّرلُــه الصّباح ما كان يرجع بالقَرارِبِنُصِّ الطّريق ماشي بثَبات وعَزْم وملاكُه رفيــق صَمَّم في بالُه يْحَقِّق الحِلْــم الكِبــير ويُقطُف الأثمار بَعد التّعَب وِالضّيق

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net