تعرضت للاغتصاب في صغري واعيش حالة من الخوف الشديد

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. انا بنت عمري 23 بدرس سنه ثالته بالجامعه، مشكلتي بلشت من وانا طفله لما ما كنت افهم شي بالمره عن العلاقات بين الرجل والمرأة، لما كان عمري 9 سنين اغتصبني ابن عمي، استمر الاشي على مدار سنين ، وفي كل مره كان يحكيلي اوعي تفولي لحدا، ولاني كنت البنت هاديه والمطيعه وما كنت افهم شي ما كنت اجيب سيرة لحدا، وكبرت وكبرت مصيبتي معي لما صرت بالمرحله الاعداديه فهمت كل الي كان يصير معي عرفت انو ابن عمي كان يستغلني عشان يشبع رغبته الجنسيه..

لا علاقة بين الصورة والخبر

هو كان اكبر مني ب 12 سنه وهو متزوج من 8 سنين وعندو اولاد، اغرب شي انو لما بشوفني بسلم ولا كأنو عمل شي غلط، انا ما برد السلام عليه وبعمل حالي ولا كاني سمعت، بس بكون جاي عبالي ابصق في وجهو واصرخ، بس ما بدي افضح حالي...
من سنتين قررت افحص وضعي عند طبيب النساء وهو بدوره اكدلي اني فقدت الغشاء، انا صرلي سنين عايشه بتعاسه بضحك بس مش من قلبي بحاول اخفي والخوف ذابحني، مش عارفه شو اعمل ! ما بقدر احكي لاهلي لانو ممكن يروحو فيها، ومش قادره احكي لحدا ، انا عم بتعذب عم اموت كل يوم مية مرة، فكرت انتحر بس ما حتى بعد ما اموت يعرفو السبب....

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il