خطيبي اغتصبني وهددني.. فهل أتركه أم أبقى معه؟ انا محتارة ساعدوني

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. الرسالة هي التالية:

مرحبا لجميع المعقبين:
انا عمري 21 سنه مخطوبه وعرسنا مقرر بتاريخ 30.10 هاي السنه خطيبي 28 سنه انسان منيح كثير ومنحب بعض بجنون
المشكله بدت قبل جمعه ونص تقريبا كنا في مشوار وراجعين على البلد وبهذاك اليوم كان خطيبي كثير مقهور وزعلان لان صاحبه ترك خطيبته فهو مبدأه بهالحياه ان اللي بحبوا بعض ممنوع يتركوا بعض لان الدنيا كلها مبنيه على الحب فانا بلشت احكيله انو هذا قدرهم ونحنا ما منقدر نساوي شي وقلتله في مزح شو بعرفك يمكن نحنا نترك بعضنا بيوم من الايام لان ما في شي بيدوم بهالدنيا فهو بلش يقولي انا ما راح اتركك وما رح اسمحلك تتركيني انا ما بقدر عيش بدونك وبلش يسألني اذا عم فكر اتركه ولا لأ؟ والا ليش جبت هالسيره انا سكتت فضلت انو اسكت وبس يروق نتفاهم بس هوي ضل يسأل ويقوللي انا عم بستناكي تجاوبيني وانا طول الوقت ساكته بعدين فات بطريق مقطوعه وبلش يصرخ ويقول اذا بتكونيش الي مش رح تكوني لحدا غيري واغتصبني
من هذاك اليوم وانا نفسيتي تعبانه ما بنام وما عاد الي نفس اعمل اشي بتحجج 100 حجه لما يتصلي او لما يعزمني نطلع سوا مثل ما كنا اوقات برفض واوقات بشترط عليه اخذ حدا معنا هوي اعتذر كثير وفي كل الطرق الموجوده بس بعدو خايف من كلمتي انو نترك نا محتاره كثير شو اعمل: اتركه والا ابقى معه؟؟؟؟
اذا تركته وانخطبت وتزوجت رح تنكشف القصه وتصير فضيحه كبيره
واذا ما تركته خايفه كثير يتعود ويضل يغتصبني بس يعصب او يزعل مني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il