أكذب على نفسي وانا لا احب خطيبي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

فتاة في سن تقريبا 18 من الجنوب لقد انخطبت لانسان فيو كل الصفاة المنيحة وانا بحبو ... القصة هي انو انا من يوم ما انخطبتلو صار مشاكل تقريبا كل يوم منتقاتل على شغلات ما الها طعمة بس مجرد انو نعي صواتنا على بعض مع هاد هو بموت فيي وبالاخر بتراجع بكل كلمي .....وبكلمتين منتصالح .... قبل اكم يوم تصالحنا واتفقنا بعد ما كنت من جوا تعباني كتيييييييييير ومش متريحا ومعو وكنت اقول انو هاد مش الانسان الي بحلم فيو واقول انو مش نصيبي .... المهم ....... انو انا بعدو قلبي مش صافي قلو وهديك الفترة بعدتني عنو وبطلت احس انو حبيبي مع انو تغير بس حاسستو انو انسان عادي بحكي معو بس زيادي انو كل يوم بقولو كلمة بحبك وانا مش حاسي فيها .. والمصيبي انو ما بدي ابوي يفكرني اني اخترت هاد الطريق بس تسلاي وانو ما اخذت الاشي بجدية مع انو اول ما اجي يحكي فيي هو ما كان بدو لانو بدو اياني اتعلم وبدو اياني اعيش حيات زي أي بنت..... المصيبي الاكبر انا اسا مش غادري احكي معو بهاي الفترةلانو صعبي علي كتير في مشاكل عندو.. وكمان انا عندي احساس وما بغدر انو اتركو بهاي اللحظات مع انو انا اسا حسستو غريب عني بس لازم اضلني بهاد الوقت ابينلو انو انا حدو وبحبو على شان صحتو .... وخاصة انو هو انسان حساس ,, وادا قلتلو بدي اتركك راح ينتحر وهاد مش مزح لانو قبل بمرة صارت ......... انا بنت بعتبر حالي زغيري وبعد في مجال عندي انو اعيش حياتي واهم اشي هو تعليمي واهلي ..... وممكن الاقي انسان يفهمني صدقوني مش كل شي الحب هاد اشي انا اتعلمتو لو حبيت ادا ما كان في تفاهم راح تنهدم العلاقة في الاخر ......... ارجو انكو توخذو مشكلتي بجدية وخاصة انو انا بوضع صعب انو كل يوم بزيد وبقولو بحبك هو بتعلق فيي وانا بتعب اكثر وبالتاي بكذب على حالي وهاي اصعب اشي بالدنيا ...........ارجو الرد بجدية

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها