فتاة: الفشل هو رفيقي دائما

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.. مرحبا ..انا بنت عمري 24 سنه .انا بعاني من الفشل المزمن اللي مرافقني طول حياتي ..وهالفشل مش بس بالعلم وانما بالشغل والحب وكلشي شو ما بعمل اي خطوه بفشل من وراها حتى الحب اللي هو احلى اشي بالحياة مش زابط معي وفشلت فيو 3 مرات ..انا دايما بقول الحمد لله على كلشي رغم هالمعاناة اللي بعيشها بس عنجد تعبت ما عدت اغدر اكمل اكتر ..انا بنت النحس راكبني ومرافقني حتى مرات على سبيل المتال بالشغل بتزبط معي اني الاقي شغله مرتبه ومربحه ومعاش كتير منيح بس بعرف حالي مش راح اضل مبسوطه كتير وبعرف انها بدها تصير مصيبه وبالفعل اكتر اشي ممكن اصمده سنه وبتصير المشاكل تهل علي وبطلعوني من الشغل لاسباب ماليه وتقليصات بالعمال ..انا طولت عليكو وما بدي اتلاقولي حل لانه مشكلتي ما بتنحل مع اني والله بنت من جوه صفحه بيضا وما بعرف اكره وطيبة قلبي هي اللي بتخرب علي مرات ..انا بدي بس افضفض لاني تعبانه من جوه وحابه افضفض..شكرا الكو وشكرا للموقع المحترم 

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها alarab@alarab.co.il